Орта ғасырларда Еуропаның зәресін алған «қара ажал» бүгінде сол кәрінен айырылған. Оны ауыздықтаған дамыған ғылым мен адамдардыңжүйелі жұмысы еді. Күні кешеге дейін қазақ даласындағы ошағын дәрімен емес, оқпен емдеген обаның аты әлі күнге естіген адамды тітіркендіргенмен, ержүрекжандардыңтынымсыз еңбегі арқасында өшіп тұр. Облысымызда обаға қарсы күрес станциясы 1914 жылы құрылған екен, биыл оған 100 жыл толып отыр. «100 жылдық мерейтойды тамыз айында сәнін келтіріп тұрып тойламақпыз» деген обаға қарсы күрес мекемесінің қызметкерлері тойдың ал-ғашқы қадамын Жаңақала жерінен бастап жіберді.
Мамырдың 12-сі күні Жаңақала ауылындағы күрделі жөндеуден өткен Қисық-Қамыс эпидемиологиялық жасағы зертханасының ашылу рәсім жасалып, оған облыстан аталмыш мекеме басшысының шаруашылық істері жөніндегі орынбасары Жанайдар Нариманұлы Лұқпанов, аудан әкімі Лавр Рашидұлы Хайретдинов, мекеме бас-шылары, обаға қарсы күрес қызметі ардагерлері мен қазіргі қызметкерлері қатысты. Ғимарат 1974 жылы пайдалануға беріліпті. Сол жылдардың ішінде бірде-бір жөндеу көрмеген зертхана тек өткен жылы ғана жаңаруға мүмкіндік алыпты. Зертхананы жөндеу жұмысын «Бекқалиев» ЖШС атқарып шықты. Қазір ғимарат заманауи келбетке ие болып, іші жаңа құрал-жабдықпен қамтылып, жұмыс жасауға әзір тұр.
Ашылу салтанатында аудан әкімі Лавр Хайретдинов сөз алып, обаға қарсы күрестің маңыздылығына кеңірек тоқталса, Жанайдар Нариманұлы мердігер Сәбит Бекқалиевке Алғысхат және мекеме қызметкерлерінің кейбіріне бағалы сыйлықтар табыс етті. Өзі осы мекемеде 36 жыл, жұбайы 20 жыл жұмыс жасаған соғыс ардагері Мұса Туманов әріптестерінің жемісті еңбек етуіне тілек білдіре отырып, жеткен жетістіктеріне шын жүрегімен қуанып тұрғанын жасырмады.
Салтанатты митингтен кейін Л.Хайретдинов пен М.Туманов лента қиып, келушілер зертхананың ішіне экскурсия жасады.
"Жаңарған өңір" газеті
|