Қалалық және ауылдық су тасқынына қарсы іс-шараларды өткізуге Орал обаға қарсы күрес станциясының қызметкерлері тартылды.

2024 жылдың 15 сәуірінде Бас Мемлекеттік санитариялық дәрігері - Денсаулық сақтау вице-министрі А.С. Есмағамбетова Батыс Қазақстан облысына іссапармен келді. Облыстық СЭБК Департаменті жанында облыстық санитариялық-эпидемиологиялық қызметінің мәжіліс залында жұмыс жиыны өтіп, жиын барсында облыстағы су тасқынына қарсы жағдай және эпидемиялық жағдайдың жай-күйі бойынша мәселелер талқыланды. СЭБК аумақтық бөлімшелер басшылырының баяндамалары тыңдалды.

2024 жылдың 12 сәуірінде ҚР ДСМ Санитариялық-эпидемиологиялық бақылау комитетінің төрағасы Н.О. Сәдуақасов жұмыс сапарымен «Орал обаға қарсы күрес станциясы» РММ болды. Сапар барысында зооноздық инфекциялардың табиғи ошақтарын эпизоотологиялық тексеруге және Батыс Қазақстан облысындағы су тасқынына қарсы жағдайға қатысты мәселелер қамтылды.