Сізді және Сіз арқылы өзіңіздің басқаруыңыздағы ұжым қызметкерлерін Орал обаға қарсы күрес станциясы ұжымының атынан төрімізге енгелі отырған жаңа 2014 жылмен кіршіксіз көңіл, ыстық ықыласпен құттықтаймын! Жаңа жыл – қашанда әр адамның жүрегіне жаңа үміттер мен аппақ армандар ұялататын, ғажайып қиялдарға қол создыратын ең сүйікті мерекеміз. Барша адамзат бұл күні өткенді ой елегінен өткізіп, саралап, Жаңа жылға таза ниетпен, болашаққа деген мол сеніммен, нық қадаммен аттағанды қалайды. Келер жылда ұжымыңызға құт-береке, қызметіңізге өрлеу тілеймін. Денсаулығыңыз күйлі-қуатты, бақытыңыз баянды, көңіл-күйіңіз тамаша болсын. Алдағы жыл Сізді және ұжымыңызды тек оң өзгерістерімен, ұмытылмас сәттерімен, тың табыстарымен қуантсын. Еліміздің жарқын келешегі үшін еңбектеніп жүрген барша ұжым қызметкерлеріне бейбіт өмір, тыныштық, мол жақсылық тілеймін! Жаңа 2014 жыл құтты болсын! Мейірім сәулесі мен шапағат шуағы молынан болғай!
Сайттың мәзiрi
