2015 жылғы 27 сәуірде Орал қаласындағы теміржол вокзалында ТЖ бөлімшелерінің, облыстық жедел іс-қимыл жасау жасағы, өрттен қорғау,  көліктегі тұтынушылардың құқықтарын қорғау басқармасының Орал бөлімшесі, Орал дезинфекциялық станциясы, Орал обаға қарсы күрес станциясы және мамандандырылған күзет құрылымдарының қатысуымен ведомствоаралық машықтандыратын (жаттықтыратын) оқу-жаттығу өткізілді.

Оқу-жаттығудың міндеті ретінде   төтенше жағдайларды жою кезінде бірлескен әрекет көрсету тәртібін және   теміржол көлігінде апатты жағдайлар болған кезде құтқару және басқа жедел  жұмыстарды жүргізуге облыстық қызметтерді  ұйымдастырушылар дайындығын тексеру болып табылды. Оқу-жаттығудың басты бөлігінің бірі  жолаушылар пойызында тырысқақпен (холера) ауырған науқас пайда болған жағдайында іс-шаралар көрсету болып саналды.

Сонымен қатар бұл іс-шараға ҚР ҰЭМ ТҚҚК «М.Айқымбаев атындағы ҚКЗЖҒО» РММ өкілдеріде қатысып, оқу-жаттығу барысында өз ұсыныстары мен түсініктерін (комментарий) берді.