Құрметті әріптестер!

Баршаңызды егеменді еліміздің ең ұлық мерекесі Тәуелсіздік күнімен шын жүректен құттықтаймыз!

16 - желтоқсан еліміздегі мерекелердің ішінде орны ең ерекше мерейлі де мәртебелі мереке. Бұл күн - ата-бабамыздың аңсаған арманының жүзеге асқан, елімізге еркіндік сыйлаған Ұлы күн.

Біз үшін жаңа дәуірдің арайлы таңы 1991 жылы атты. Сол күні әлем көгінде «Қазақстан Республикасы» атты жаңа жұлдыз жарқырай туды. Абыройы асқақ, беделі биік мерейлі мемлекетіміз өзінің ширек ғасырлық белесіне қадам басып, береке-бірліктің арқасында түрлі қиындықтарды еңсере білді.

Қазақстан төрткүл дүниеге толық танылған, халықаралық қауымдастықтың белді мүшесі болып, құқықтық, дербес демократиялық мемлекет ретінде әлемге танылды. Халқымыз Тәуелсіздіктің мызғымас тұғырын бекітіп, Мәңгілік Ел болуға бет бұрды.

Жаңа ғасырда қайта түлеген, жасарып түрленген еліміздің тәуелсіздігі тұғырлы болғай!

Бостандық пен еркіндіктің бастауы болып табылатын осы салтанатты күні Сіздерге және Сіздің ұжымыңызға мықты денсаулық, отбасыларыңызға бақыт, сәтті күндер, зор жетістіктер тілейміз.

Тәуелсіз Қазақстанымыздың биіктіктерді бағындыруына сүбелі үлес қосып, ертеңі жолындағы еңбектеріңіз жана берсін!