2014 жылдың 7-8 тамызы күндері Орал қаласында Орал обаға қарсы күрес станциясының 100 жылдық мерейтойына арналған Халықаралық ғылыми-тәжірибелік конференция өткізілді.
Конференция жұмысына Ресей, АҚШ, Германия, Моңғолия, Украина, Армения, Грузия, Қырғызстан, Молдова, Тәжікстан және Өзбекстан мемлекеттерінің өкілдері, сондай-ақ Қазақстан Республикасының бірқатар ведомстваларының өкілдері қатынасты. Қатынасушылар саны - 150 адам.
Конференция жұмысы келесі бағыттар бойынша жүргізілді:
1. Биологиялық қауіпсіздік пен биологиялық қорғаудың өзекті мәселелері. Аса қауіпті жұқпаларды эпидемиологиялық қадағалауды жетілдіру.
2. Микробиология, эпидемиология, аса қауіпті, табиғи-ошақтық және паразиттік жұқпаларды зертханалық диагностикалау.
3. Аса қауіпті жұқпалардың қоздырғыштары мен таратушыларының биологиясы.
4. Жұқпалы аурулардың табиғи ошақтылығы.
5. Аса қауіпті жұқпалардың эпизоотологиясы.
Конференция барысында 64 баяндама оқылды. Конференцияның өту барысы бұқаралық ақпарат құралдарында («Орал өңірі», «Приуралье» облыстық газеттері, облыстық телеарна) жарияланды.
Конференцияда Қазақстан Республикасының обаға қарсы күрес қызметінің 100 жылдық жұмысы қорытындыланып, оның болашақтағы жетілдірілу мақсат-міндеттері белгіленді. Бүгінгі таңда жинақталған ғасырлық тәжірибенің негізінде Батыс Қазақстан облысы тұрғындарының санитарлық-эпидемиологиялық салауаттылығын қамтамасыз етіп келе жатырған Қазақстандағы алғашқы обаға қарсы күрес станциясы Орал обаға қарсы күрес станциясының еңбегі ерекше атап өтілді.
Конференция атына Ресей Федерациясының Бас Мемлекеттік санитарлық дәрігері А.Ю.Поповадан Үкіметтік құттықтау телеграммасы келіп түсті.
Пресс-релиз
|