Осы жылдың жаз мезгілінде Орал обаға қарсы күрес станциясы Чапаев обаға қарсы күрес бөлімшесінің басшысы, дәрігер С.Е. Таскалиев Новгород облысының іздестіру жасағының шақытуымен 1942 жылы хабар-ошарсыз жоғалған шешесінің әкесі Мукаш Тенильбаевтың жерленген жеріне барып қайтты.
Мукаш Тенильбаев 1900 жылы дүниеге келген, ал туып-өскен жері Батыс Қазақстан облысы, Чапаев ауданы, Бударин ауылдық кеңесі. Отбасында: жұбайы Злиха Тенильбаева 1913 жылы туған және үш қызы болған: үлкені Батима 1932 ж., Жаңылсын 1934 ж., Камеш 1937 ж. Жеті кластық білімі бар.
Колхоз төрағасы, коммунист болған. 1942 жылдың 03 қаңтар күні Чапаев аудандық әскери комиссариатының шақыруымен майданға аттанды. Генерал С.Г. Штыков командасындағы 200 атқыштар дивизиясы құрамында болып, барлау батальонда қызмет еткен. Жауларға қарсы және тұтқындарды алып келу (үшінші барлау) туралы мәліметтерді жинау кезінде арнайы операцияда жарақат алған. 1942 жылдың күзінде оның хабар-ошарсыз жоғалғаны жайында майданнан хат келген. Мукаш Тенильбаев алған жарақатының салдарынан 1942 жылғы 16 тамызда госпитальде қайтыс болғаны белгілі болды. Алғаш Ленинград облысы Полавский ауданында жерленген. Кейін Борка ауылынан 1 шақырым жерде батырлар құрметпен қайта жерленген. Атасының тегі мемориальдық тақтада ойылып жазылған. 1905 жылы дүниеге келген генерал Серафим Григорьевич Штыковта осы жерде жерленген.
Мукаш Тенильбаевтың немерелері оның есімі жазылған мемориальдық тақта орнатылған жерге барып, туған жердің бір уыс топырағын салды және еске алып, тағзым етті.
|