ҚҰРМЕТТІ ӘРІПТЕСТЕР!

Сізді және Сіз арқылы ұжым қызметкерлерін Орал обаға қарсы күрес станциясы ұжымының атынан қазақ елінің берік діңгегіне айналған Қазақстан Республикасы Тәуелсіздігінің 23 жылдық қастерлі мерекесімен шынайы көңілден құттықтаймын!
Мемлекетіміздің тарихында алтын әріптермен жазылған бабалар қалдырған тәуелсіздік тарихы – бүгінгі өркениетті еліміздің асыл құндылықтарының бірі. Егемен ел болып, еңсеміз көтерілді. Көк байрағымызды биіктетіп, тұғыры мықты Ата Заңымызды қабылдадық. Бұл – Ел тәуелсіздігінің сүбелі жемісі.
Ұйымшылдықпен бірге жаңа мақсаттарға жетуіміз, халқымыздың ырысы және гүлденіп өсуі, сыйласуы мен түсінісуі, әрқашанда рухымыздың биік болуы, салт-дәстүрімізді бағалауымыз алда да толағай табыстарға жеткізе бермек.
Бостандық пен еркіндіктің бастауы болып табылатын осы салтанатты күні Сізге және ұжым қызметкерлеріне игілік пен бақыт, бақ-дәулет, ырыс тілеймін.

Еліміздің тұрақты дамуы мен кемелденуі жолындағы еңбектеріңіз табысты, барлық бастамаларыңыз сәтті болсын!
Асыл арманнан ақиқатқа айналған тәуелсіздігіміз ғұмырлы, бейбітшілігіміз баянды болғай! Мерейлі мереке құтты болсын!

Құрметпен,
станция басшысы Т.Аязбаев