2019 жылдың 03 қараша күні Орал обаға қарсы күрес станциясының қызметкерлері М. Өтемісов атындағы Батыс Қазақстан мемлекеттік университетінің археологтарымен бірлесе отырып БҚО Ақжайық ауданының Бекет шатқалы Жайық өзенінің ескі арнасындағы археологиялық ескі затты қазу жұмыстарын жүргізді. Табылған зат БҚМУ мұражайына жіберілді.
2019 жылдың 25 қазаны күні ҚР ДСМ ТҚСҚБК БҚО ТҚСҚБД-де 2019 жылдың 3-ші тоқсан қорытындысы бойынша кезекті алқа өтті. Алқада екпе жасау және басқа профилактикалық шаралар мәселесі талқыланды. Алқа жұмысына Орал ОҚКС басшысы қатысты.
2019 жылдың 17-20 қазаны күндері М. Айқымбаев атындағы ҚКЗЖҒО ғылыми қызметкерлері (кеңес берушілер) жұмыс сапарымен Орал обаға қарсы күрес станциясында болды. Жұмыс барысында кеңес берушілер Жымпиты, Чапаев, Калмыков обаға қарсы күрес бөлімшесіне және оның Қаратөбе және Жайықтың арғы беті эпиджасағына барды. Станция мамандарына «2016-2019 жылдардағы ҚР сібір жарасы бойынша қазіргі эпидемиялық жағдай» тақырыбында семинар өткізілді. ГАЖ-технологиясы бойынша 32 қызметкер дайындалды.
2019 жылдың 09-11 қазаны күндері Алматы қаласында медицина және оған ұқсас сала «QazMed» қызметкерлерінің салалық кәсіподақ республикалық семинар-кеңесі өтті. Обаға қарсы күрес станция атынан ОҚКС кәсіподақ комитетінің төрайымы қатысты. Кеңес барысында тәжірибеде еңбек заңнамасын қолданудың өзекті мәселелері қаралды. Кәсіподақтың ең жақсы ұйымдастырушысына арналған конкурс өткізілді және диплом табысталды.
2019 жылдың 10 қазаны күні Орал обаға қарсы күрес станциясының қызметкерлері микробиология (Мюнхен, Германия) институтының коллабораттарымен бірлесе «Кеміргіштерден таралатын жоғарыпатогенді инфекциялар және далалық жағдайларда биоқорғау және биоқауіпсіздік» тренингінің далалық бөлігіне қатысты. Сонымен қатар кеміргіштерді аулау және жинау жүргізілді. Семинар соңында сертификаттар берілді.
2019 жылдың 09 қазаны күні Орал ОҚКС-да «Кеміргіштерден таралатын жоғарыпатогенді инфекциялар және далалық жағдайларда биоқорғау және биоқауіпсіздік» тренингінің академиялық бөлігі өтті. Бірлескен отырыста 11 хабарлама баяндалып жасалды. Оған Орал ОҚКС және микробиология (Мюнхен, Германия) институтының мамандары қатысты. Қорытындылау кезеңінде сертификат табысталды. Аймақтың инфекциялық патология мәселелері талқыланды.
2019 жылдың 02-03 қазаны күндері Қазақстан Республикасы Ғылым Академиясы ғимаратында М. Айқымбаев атындағы ҚКЗЖҒО (Орта Азия обаға қарсы ғылыми-зерттеу институты) 70 жылдық мерейтойына арналған «Қауіпті инфекциялар: Жаңа қыр - болашаққа көзқарас» халықаралық ғылыми-практикалық конференция өтті. Конференцияға бұрынғы санэпидқызметінің (ТҚСҚБД) және 9 обаға қарсы күрес станциясының мамандары қатысты. Сонымен бірге конференцияда 17 елдің делегациясы ат салысты. Институт ардагерлері мен обаға қарсы күрес қызметінің қызметкерлеріне мерейтойлық медальдар, алғыс хаттар және грамоталар табысталды. Зертханалық жабдықтар көрмесі жұмыс жасады.
2019 жылғы қазанның 02-і күні Батыс Қазақстан облысында әскери-экономикалық оқу-жаттығу өтті. Ауқымды шараға санэпидқызметінен Орал ОҚКС, ТҚСҚБК Департаментінің, «Дезинфекция» ЖШС эпизоотологиялық, радиологиялық, сантариялық-эпидемиологиялық бақылау көшпелі бригадалары қатысты.